تكبرتي

[زمان ياحب]

تكبرتي بعد صدك ومن صدك نكرتيني..
انا ما اشره على مثلك وانا شخصي تعرفينه..




تراي انسان لو بـ اغتر ولا مثلك يشقّيني..
تموت النفس عطشانه ولا يمكن تشَقّينه..




انا منك خذيت الهم ومن قلبك تخونيني..
تذكرتك بعد صدك كرهت الحب وسنينه..




انا وشلون يا قلبي تذكر ماضي سنيني..
حرام انك تذكرني انا وين العنا وينه..




خلاص انسى بعد صدك مدام انك نسيتيني..
مدام انك نكرتيني انا مثلي تناسينه..



افا يا مركب احساسي على بحرك يوديني..
طويت شراعنا المركب اخاف انك تغرقينه..




في ليلة عمرك البارح حرام انك تناديني..

حسبت اشواقك البارح تناديني ومن حينه..



عرفت ان الغلا ساعه يموتني ويحيّني..
نثرت الشوق في ساحة غلا حبك وتلقينه..




انا وشلون افسرها واذا ودك تحطميني..
انا ما هزني مثلك ولا يمكن تحطمينه..




جرحتيني على الفاضي على الفاضي جرحتيني..
انا ماني هذاك اللي تحبينه تخونينه..




تخدعيني كذا مره ولا ضاعت عناويني..
انا موتك على الفرقا وانا مثلي تمنينه..




قطعت العرق من قلبي علشانك شراييني..
عطيتك حب من قلبي واذا ودك تبيعينه..




انا بعتك قبل حبك قبل والله تبيعيني..
حسافه والعمر مره حسافه حب تنهينه..




غريب اطوار في حبك تحبيني تخليني..
ترا مثلك عديم احساس اذا مثلي تخلينه..




خلاص انسي بعد صدك مدام انك نسيتيني..
انا قلبي عشق غيرك ولا يمكن ترجعينه..

[عاشقة الليل]

كلمات قوية بمعانيها
وأسلوب طرحها
راقت لي كثيراً
سلمت وسلمت يمناك على عبق الذائقة
دمت بسعادة

[زمان ياحب]

عاشقة الليل

اسعدني تواجدكم
دمتم بود

[مخطوبه لاحديكلمني]

كلمااااات في قمة الرووووعه
راااقت لي كثيرا
يعطيك العافيه

[قلب ساهر]

احساسك جميل ومعبر
جدآ رائعه تحياتي

[زمان ياحب]

مخطوبة لاحد يكلمني - قلب ساهر
اسعدني تواجدكم
دمتم بود